ثانيا: شفيه الطبطبائي ين ورفع جوتيه بيحذف محمود عباس؟
وتعليقي: شقد مسكين من شواطئ كنكون لي الشيشه وسفارة طالبان والشغلات المستورة وماصفيت الا على جوتي صج انك خفيف وعلى المايه يعني الحين ذاك العراقي قدوتك كفوك بلا كفوك!! ي
انزين قلت خنشوف على شنو يبون يوقفون الموقع ويقولون بالقرار إساءه للرسول عليه السلام ، قلت ياساتر الموقع كله يسيئ للرسول !! ولايطلع بالقرار انه تحت عنوان "القران ملحن ومرتل" فيه اساءه للرسول ونشر القران ملّحن وعلى العود - والعياذ بالله- (هذي منهم مو مني) قلت طيب خنشوف شنو هالفيديو واذا ممكن انه ينشال بروحه وسويت بحث ولقيت هذي النتايج شوفوها ياجماعة الخير انا مالقيت فيها شي أبدا. ل
إنزين اشتبي يعني تبي تقولي "يو تيوب" مافيه اساءات ؟
انا اقولكم ، اللي طلع هالقرار يبين عليه اما انه يبي يمنع الموقع وبس وقال خلنا انبهرها شوي والمشكله ماتعب نفسه ودور شي بالحقيقه موجود أبد حط عنوان من باله ويحمد ربه انه في نتايج حق هالبحث اساسا ، او انه في ضغوط من تيارات او نواب او ايا يكن لوزارة المواصلات ومضايقهم هالموقع لسبب او لآخر
بس ودي اقول نصيحة حق اللي مطلع هالقرار اذا تبي مره تمنع الموقع قول تحت عنوان
Porn
وايد احسن راح تلقى شغلات اتعجبك :) ك
الحين الجانب الثاني من الموضوع اللي تعبنا واحنه انكرره لكن كثر التكرار يعلم "الحمار" ماني مجامل كلّش!! ب
أولا: المواقع ماراح تقدرون تمنعونها لو اتعنقزون يا جماعة الخير علشان جذي اقول عقلو وخلو الناس اهيا اللي تختار وتعرف الصالح من الطالح
ثانيا: متى راح تفهمون انه كل شي فيه زين وفيه شين ؟ يوتيوب مثل ما انه فيه امور جنسية (مع العلم انه مو هذا سبب منعه) ترى فيه ايات واحاديث وقرآن وخذ مثال التلفزيون او حسب ماتسمونه التلفاز الواحد يقدر يحط افلام اباحية ويقدر يحط قناة اقرا ولا اثراء هذي مالتكم ، فهمو و والله ما اتوقع انكم راح تفهمون أبد!! ي
والحين بحطلكم مثال واقعي لعل وعسى تفهمون شوفو معاي
عالميا "يو تيوب" ثالث اكثر موقع يدخلونله الناس ومحليا (يعني بالكويت) هم ثالث اكثر موقع الناس يدخلونله ، يعني الحين انتو تبون تمنعون اكثر المواقع شعبيه بالعالم والكويت - وسبحان الله - الكويت متفقه مع العالم اخيرا
وابيكم تشوفون هم بقائمة اكثر المواقع اللي يدشونها بالكويت الموقع اللي ماخذ الرقم 36 هذا الموقع من بين اكثر 50 موقع الكويتيين يدخلونهم وبالترتيب العالمي ماراح تلقونه من اول 100 موقع اتوقعون كثر المنع راح يخلي هذا الموقع واللي اهوه بروكسي يصير اب اي ترتيب ؟ ولاتصيرون شطار تحاولون تمنعونه ماراح تقدرون!!ي
على اي حال : "كثر الكبت يولد انفجار" لازم تفهمون هالنقطه وتحطونها على بالكم عدل وانه بهذا الزمن ماراح تقدرون تمنعون ففي الف طريقة وطريقة لتجاوز هالمنع .. فهل من مدكر؟
على نفس نمط المنع الغبي في خوش موضوع عن منع "سكايب" شوفوه
مصدر الخبر وصورة القرار من جريدة الجريدة
«الدوائر الخمس لم تسهم في القضاء
على ظاهرة شراء الاصوات والذمم بل حتى لم تقلل منها اضافة الى بقية الظواهر السلبية
لتعميق الطائفية وتعزيز الفرعيات وتهميش الاقليات واللجوء للقوائم ذات الاطار
الفئوي والطائفي وليس الحزبي»..توكم ؟ووين اللي كان "يبنبع" نو نو جنغل لو ؟توه يدري وماتكلمتو الا لمه انحل المجلس ؟ماكنتو تقولون نبيها خمسه وجذاب حدس (اللي منحاش من الجلسه ويجذب عرفتوه؟) مرتز بالبرتقالي بكل صورهالحين المشكله انهم مايقولون انه الدوائر الخمس قللت ولكن الدائره الوحده راح تقلل اكثرلأيقولون انه ماقللت شي اطلاقا ، دام انتو ماعندكم بعد نظر ليش بنصوت لكم؟..اللي صج ونسني سالفة الفرعياتالحين كل هاللي مدخلينهم فرعيات ويايين تتكلمون ؟والله يبا عيبانتو ام الفرعيات اعضائكم نصهم يدشون فرعيات والحين صارو ثلاث ارباع مرشحينكم يدشون هالفرعيات ويايين تتكلمون والله فوق شينكم قوات عينكم اللي مثلكم يسكت ابهالوقت عيييب ياللي تدعون الاسلام.عموما يا حدس ماكنتو مصدر ثقه من قبل وماراح تكونون اطلاقا لانكم دائما وابدا حركه فليب فلوب................................................بالاخير..جنها احسن من مالت دعيج الشمري
هنالك موضوع للمولود الجديد (ابناء-الكويت) يتحدث عن انطلاقة الحرب من قبل مايسمى بصحيفة بالوطن ضد أحمد السعدون أمر كان متوقع وترقبوا ان يمتد الأمر إلى المدونات وغيرها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الزملاء الكرام
يبدو إن أصواتنا وصلت سريعا لمن وصمنا بأشنع الأوصاف
وعلى هذا الأساس
فإن الإعدادت جارية لعمل منظم بشكل أفضل وأقوى واكثر تأثيرا في الأيام القليلة المقبلة
مع إلغاء فكرة الإعتصام غدا السبت أمام جمعية ما يسمى بالإصلاح وسنوافيكم بالتطورات
مع خالص الشكر لكل من تفاعل تجاه التحرك من خلال الرسائل القصيرة
أو المدونات أو غيرها من وسائل التبليغ
كفو يا أهل الكويت
---------------------------------------------------------------------------
ماذا تريدون يا دعاة الاختلاط، هل تريدون المزيد من اللقطاء والزنى والاجهاض بسبب
الحمل السفاح أم مزيدا من الأمراض الجنسية جراء اختلاط النساء بالرجال والفتيات
بالفتيان؟
إنتشرت دعوتنا فأصبحت ولله الحمد في أوساط الطلبة كما تعرفون
أصبحت الجامعة ولله الحمد في إتحادها الذي له 14 او 15 سنة القاعدة الإسلامية هي
التي أخذت أعظم الأصوات..اما مسألة انكم تتكلمون عن بقية طلبة الجامعه فهم خط أحمر مانقبل المساس فيه ولا التجريح ولا حتى محاولة المساس والتجريح ياجمعية الافساد الاجتماعي..ترى مصخت مع الإخونجيه بالديره ولا اشرايكم؟