حدس - فليب فلوب

الله بالخير

.

.

ياجماعة تقدرون تصوتون الحين من غير البطاقة الانتخابية بعد ما أقرت الحكومة مرسوم بقانون يتضمن حكم وقتي يتم فيه اعتماد الجنسية بدون البطاقة الانتخابية

"كويت نيوز"

.

...............................................

.

ثاني شغله

.

.

في ندوة بـ

.

المنبر الوطني الديمقراطي

.

بعنوان

.

"الكويت دائرة واحدة"

.

يتحدث فيها

.

السيد / أحمد السعدون

الدكتور / عبدالله النيباري

الدكتور / محمد المقاطع

.

بمقر عبدالله النيباري

الساعه 7.30

يوم الثلاثاء القادم

.

..............................................

.

بالنسبه لموضوعنا اليوم خلونا نتكلم عن شغله بجريدة العفن الحركة الدستورية وآخر صيحاتها ، شوفو شيقولون

..

تطرح الحركة الدستورية الإسلامية
خلال الأيام القليلة المقبلة مبادرة سياسية «تضع حلولا ومخرجا لحالة الاحتقان بين
السلطتين التنفيذية والتشريعية».وذكر عضو المكتب السياسي المسؤول الإعلامي في
الحركة الدستورية مساعد الظفيري لـ «الوطن» ان «المبادرة تخضع حاليا لصياغة نهائية
لتحول بعد ذلك الى برامج للحركة واعضائها في مجلس الأمة المقبل»

..

ياسلام يا حدس ، تو الناس وينكم وينكم كل هالفتره ؟ عندكم ناس بالسلطتين ولاتقولن صوتكم ماكان مسموع توكم تصحون على الانتخابات ؟

..

تبون حلول ومخارج حق حالة الاحتقان بين السلطتين؟

انا ناطر اعلانكم حق هالحلول بشوف شنو هالحلول مالتكم

والسؤال انتو اشكنتو ناطرين ليش محد فيكم بطل حلجه

عندكم

نائب رئيس المجلس

و وزير الكهرباء والماي بالاصالة و وزير النفط بالوكالة

وغيرهم 4 اعضاء معلنين وواحد متسترين عليه حق الزمن

كل هذيل توهم يصحون انه في مشكله وتوهم يبون ينطقون

صدقوني ماهي الا انها محاولة تكسب انتخابي رخيص للظهور بصبغة التيار الفاهم ولكن (طل) ياحدس

..

ويزدونه من الشعر بيت ويقولون

..

«الدوائر الخمس لم تسهم في القضاء
على ظاهرة شراء الاصوات والذمم بل حتى لم تقلل منها اضافة الى بقية الظواهر السلبية
لتعميق الطائفية وتعزيز الفرعيات وتهميش الاقليات واللجوء للقوائم ذات الاطار
الفئوي والطائفي وليس الحزبي»

..

توكم ؟

ووين اللي كان "يبنبع" نو نو جنغل لو ؟

توه يدري وماتكلمتو الا لمه انحل المجلس ؟

ماكنتو تقولون نبيها خمسه وجذاب حدس (اللي منحاش من الجلسه ويجذب عرفتوه؟) مرتز بالبرتقالي بكل صوره

الحين المشكله انهم مايقولون انه الدوائر الخمس قللت ولكن الدائره الوحده راح تقلل اكثر

لأ

يقولون انه ماقللت شي اطلاقا ، دام انتو ماعندكم بعد نظر ليش بنصوت لكم؟

..

اللي صج ونسني سالفة الفرعيات

الحين كل هاللي مدخلينهم فرعيات ويايين تتكلمون ؟

والله يبا عيب

انتو ام الفرعيات اعضائكم نصهم يدشون فرعيات والحين صارو ثلاث ارباع مرشحينكم يدشون هالفرعيات ويايين تتكلمون والله فوق شينكم قوات عينكم اللي مثلكم يسكت ابهالوقت عيييب ياللي تدعون الاسلام

.

عموما يا حدس ماكنتو مصدر ثقه من قبل وماراح تكونون اطلاقا لانكم دائما وابدا حركه فليب فلوب

.

..............................................

.

بالاخير

.

مــبــروك

.

جنها احسن من مالت دعيج الشمري